القائمة الرئيسية

الصفحات

 "كرات الثلج"

اسم وصفة اليوم من إيد

صديقتنا الجميلة " أمونة" 

أسمها "كرات الثلج"

أو les boules de neige 

"كرات الثلج"


 *المكونات:

4 بيضات 

كأس سكر عادي مش مملوء 

كأس زيت مش مملوء

كيسين خميرة كيميائية ( بيكنج بودر) 

كيسين فانيليا (الكيس يعادل ملعقة صغيرة)

كأس طحين وكمية نشاء 


*التحضير :

نضرب البيض بالخلاط الكهربائي و نضيف السكر و نضرب لحد ما يذوب و نحط فانيليا و نضيف الزيت نخلط لحد ما يتجانس الخليط بعدين نشيل الخلاط و نضيف كأس الطحين ومعه كيسين الخميرة و نفضل نضيف في النشاء لحد ما تبقى عجينة طرية ، نفردها على سطح مرشوش كويس بالطحين عشان رح تكون شوي بتلزق لهيك نطول بالنا شوي على ما تنشف 😉

بعد ما نفردها بسمك 2 سنتيمتر نجيب غطاء قزازة الكولا أو البيبسي و نحطه بالطحين و نقطع دواير (رح تبين لكم صغيرة بس هي بتنتفخ في الفرن 😉) نحطها بصينية و عالفرن180 درجة و هي بتستوي بسرعة كبيرة عشان خفيفة ،بس تستوي و تبرد نشيلها من الصينية  بهداوة بشيء حاد (سكين عريضة مثلا) عشان ما تتكسرش

 

*التزيين 

نلزق كل اثنين مع بعض بمعجون مشمش و نعمل كريمة زبدة خفيفة ( زبدة و سكر ناعم و نخلطهم كويس لحتى يصير لونهم أبيض ) نغمس الكرات بالكريمة و بعدها على طول ننزلها بمبشور جوز الهند و هيك بنكون خلصنا.. 


وياريت اللي يجرب الوصفة يعرفنا النتيجة ❤️

هل اعجبك الموضوع :

تعليقات