القائمة الرئيسية

الصفحات

إيمانه حطم غرورى :الفصل الثامن والاخير

إيمانه حطم غرورى :الفصل الثامن والاخير

_طمنى العروسة عجبتك .
_تسلم إيديكِ ياطنط .
_ربنا يجمعكم على خير ويجعل ليكم نصيب فى بعض يارب .
_هتعرفوا الرد إمتى طيب ؟
_عمو محمد اتفق مع الأستاذ كامل بعد يومين إن شاء الله .
_إن شاء الله .
_طمنى ياعريس الشغل عامل إيه ؟
_عريس إيه بس ياابنى مش تستنى لما تبقى رسمى _إن شاء الله هتبقى رسمى وتفرح وتفرحنا كمان
_إن شاء الله يامعتز .
_الشغل هنا الحمدلله تمام خالص والشركة فى تقدم الحمدلله .
وعلينا إقبال شديد على الشقق اللى بتعرضها للبيع .
_الحمدلله .
_طيب الشغل فى شركة والد وعد عامل إيه ؟
_الحمدلله بدأت تقف على رجليها من تانى بفضل ربنا .
_معتز .
_ نعم .
عايزك تشوف مكان كويس علشان نعملك فيه مستشفى لأنك زى ما أنت عارف اشتغلنا على المكان اللى كنت هتعملها فيه .
_إن شاء الله هأشوف وهنعمل كل شئ ، بس أجل كل ده دلوقتي لأنك داخل على جواز وجواز أختك كمان علشان كدا مش لازم تضغط على نفسك .
_ياحبيبى يامعتز ربنا يباركلى فيك .



_ميتاب
_نعم يا بابا
_عايزك تكلمى وعد النهارده ، ياتروحى ليها وتعرفى ردها فى موضوع وليد علشان الناس منتظره منى رد النهارده يا بنتى .
_حاضر يابابا هاقوم ألبس وأعدى عليها وأعرف منها الرد وأكلمك .
_حبيبتى وحشتينى أوووى .
_بقا كدا يابنتى بقالى يومين ماشوفكيش .
_معلش ياوعد غصبٍ عنى والله تقصيرى فى حقك
المهم ياستى بابا بيقولك قولتى إيه فى موضوع وليد علشان منتظرين منه رد النهارده ؟
_سكتى يعنى وماردتيش على العموم أفهم من كدا إنك موافقه ، ألحق بقا أكلم بابا وأقوله .
_السلام عليكم يابابا
_وعليكم السلام ياحببتى
_تقدر تتصل بأهل وليد وتقولهم مافيش نصيب .
_ليه يابنتى كدا دا الولد شكله كويس وأهله ناس محترمين ، وعد رفضته ليه ! طيب على العموم يابنتى دى حرية شخصية ، وأنا هأوصل الرسالة.
_رسالة إيه ياحج أنت ماصدقت .
_يعنى أنت بتهزر .
_طبعاً ياحج أنت مش عارف بنتك ولا إيه ؟
_ربنا يهديكِ يابنتى يارب .
_يارب يابابا اتصل بقا بالناس وبلغهم .
حاضر إن شاء الله .

_السلام عليكم
_وعليكم السلام اتفضل ادخل يا عم محمد .
_مالوش لزوم ياوليد لأنى لسه راجع من الشغل تعبان .
_الأستاذ كامل لسه مكلمنى وبيقولك مبرووك وشوف حابب تحدد معاد الخطوبة إمتي .
_إن شاء الله هأكلم  وائل النهارده علشان يجى يحضر لأنى مكلمه من أسبوع وقال هيجى يوم ١٥ فى الشهر إن شاء الله .
_يعنى أرتب معاهم يوم الجمعة الجايه إن شاء الله
_أيوه
_وأنا ومعتز هننزل ندور على مكان كويس نعمل فيه الخطوبة ونتفق مع المأذون علشان كتب الكتاب .
_إمتلأت القاعة بالمعازيم والجميع فى سرور  وفرح
_وصلت العروستين إلى القاعك المنفصلة عن الرجال .
وطلب وليد من مدير القاعة أن يشغل أغانى بدون موسيقى لكى ينشر البهجة فى المكان .
علت الأصوات بأجمل الأغانى .

لايق عليها ولايقه عليه 💑ما هو يستاهلها وتستاهله ده حلم غالي وبقا ف إيديه 💍 والدنيا فرحة هتندهله ، وحلم الليالى ولا كان على بالى  فارس أحلامى اللى انا بهواه.
أول م جانى وقالى تعالى هنبنى حياة علي شرع الله .
‏هنبنى بالإسلام بيتنا.
‏ والفرحة تملى دنيتنا.
‏ هي دي اللي اخترتها  اللي دينها مهرها  اللي روحها فرضها  اللي حافظه ربها  يوم ما جيت دقيت علي بابها لقيتها لابسه حجابها .
‏ كنتي فين دانا ياما دعيت بحورية تكون من الجنة لقيتها هي اللي لايقالي .
‏ بس المهر هو الغالي .
‏  آيات القرآن الهادي عشانه اخترتها
‏ياعمي أنا شاري اديني حلالي في قلبي هاحطها  ياعمي هشورها ده هي شروطها تعيش علي شرعها  قالتلي ده بيتنا يازين فرشتنا السنة والقرآن  والحب حياتنا يبعد عنا شئ اسمه الشيطان .
بعد لحظات وصل المأذون والجميع فى صمت منتظرين انتهاء كتب الكتاب .
تهتز القاعة بكلمة المأذون بارك الله لكما وبارك عليكما وجمع بينكما فى خير .
تتراقص القلوب من الفرحة والجميع تعانق يهنون بعض بهذا العقد المبارك .
_مبرووووك ياوعد مبروووك ياقلب أختك الفرحة مش سيعانى والله ربنا يسعدك ياغاليتى .
_الله يبارك فيكِ يا أختى وصحبتى انتِ وعقبال ما أفرح بيكِ يارب .

_إيه ياشباب مش هتدخلوا تلبسوا العرايس الشبكة ولا إيه ؟
حاضر أهو  هندخل ياعمو محمد بس نادى طنط منى تنبه البنات إننا جايين علشان وعد تنزل النقاب
_حاضر ياوليد .
_دخل العَرِسان المكان الخاص بالحريم بعدما أنزلت وعد النقاب وألبسوهم الشبكة وتبادلوا المباركات للعرائس .
_انتهت الحفلة والجميع فى سعادة.
_ذهب وليد مع وعد لبيتها ليوصلها إليه ويراها بعد كتب الكتاب .
_مبروك يا وعد .
_الله يبارك فى حضرتك .
_هههه حضرتك إيه بس لا بقا متاخديش عليها بقا أنا كنت سامح بيها قبل كدا علشان ماكناش لسه كتبنا الكتاب .
اسمى وليد والله مش حضرتك .
_هههه حاضر .
وليد .
_نعم .
_كنت عايزه أطلب منك طلب .
_أطلبى ياوعد تحت أمرك .
_أنا نفسى تساعدنى أعمل حاجه خيرية لبابا .
_زى إيه طيب .
_دار أيتام مثلاً أو دار مسنين .
_بصى ياوعد الفكرة جميلة أوى بس باقى على الفرح شهر .
يادوب نلحق نجهز وبعد الفرح إن شاء الله نشوف الموضوع ده .
_صباح الخير .
_صباح النور ياعريس
_ههههه عريس إيه بقا لقد دقت ساعة العمل .
_صباح الخير ياولاد .
صباح العسل ياماما .
_أمال ورد فين ؟
_ورد نايمه تعبانه من إنبارح ، اليوم كان طويل أوى .
_طيب يالا ياوائل نروح نخضها ونصحيها .
_نعم نعم حد بيفكر يعملى حاجه حد بيجيب فى سيرتى ؟
_مين العروسة لا خالص احنا بنسأل عليكِ بس .
_اممممممم طيب
_صحيح ياورد ياحبيبتى .
_طالما قولت ياحبيبتى تبقا عايز مصلحة ياوائل اتكلم .
_هههههه دى لمضه ياوائل خليك معايا أنا .
أنت عايز إيه ؟
_مين إللى كانت مع وعد دى ياوليد ؟
_أوووووووبا بقا ليه ياحظابط ؟
_أقولك أنا يا وائل ؟
_امشى يابت من هنا .
وأنتِ تقولى ليه ! أقول أنا مش دى صاحبة عروستى .
_دى بقا يا حظابط ميتاب صاحبة وعد الأنتيم وتقدر تقول أخوات .
_هى مخطوبة
_لا بتفكر ولا إيه ؟
_بصراحة عاجبنى احترامها وأدبها وطبيعتها الهادئة وبعدين يعنى وعد هتصاحب أى حد .
_ياسلام على الثقة إن شاء الله نرتب الدنيا ونشوفلك الموضوع ده بعد فرحنا لأنها بجد محترمة جداً .
_معتز عامل إيه وحشتنى .
_الحمدلله بخير .
_عايز أحد رايك فى حاجة.
_تحت امرك طبعًا  اتفضل .
_وعد عايزه تعمل حاجه خيرية باسم والدها الله يرحمه واقترحت عليا نعمل دار أيتام أو مسنين .
_طيب إيه رأيك نعمل حاجه احنا التلاته ونشترك فيها وتبقا صدقه جاريه لأهلينا سوا .
_إيه هى ؟
_نبنى مبنى كبير على مساحة كبيرة ويكون أربع طوابق .
الطابق الأول مستشفى ليا ودى أنا هأتحمل تكلفتها .
والتانى مستشفى خيرى .
والتالت دار أيتام .
والرابع دار مسنين وبعدين نجهزهم وتقسم تكلفتها علينا احنا التلاته ونعملهم بأسماء والدى ووالدك ووالدها .
_فكره ممتازة يامعتز هأكلم وعد وأبلغها بالموضوع ده ونبدأ فوراً من دلوقتي إن شاء الله .
_بجد أنتوا وصلتوا للفكرة دى !! الفكره تجنن ، ربنا يبارك فيكم يارب ويجعله فى ميزان حسناتكم إن شاء الله .
_الجميع يستعد لزفاف أفضل أصحاب أجمل أخلاق تعاونوا على فعل الخيرات وضربوا مثلاً رائعاً فى الحب والإتحاد ومساعدة الآخرين .
_حان الآن ظهور أجمل عرسان على منصة الفرح والسعادة وتزفهم أجمل أغانيه .

اللي جمعنا حب ليه معني
منه مش ممكن حد يمنعنا
اللي باقي بينا حلم هيعينا
أوله الدنيا وآخرته الجنة
وأهي كلها أيام وتضمنا الأيام
يجمعنا بعد الحب بيت مبني علي الإسلام
يلا استعدي خلاص و زودي الإخلاص
أيام يا أغلي الناس و تتحقق الأحلام
اللي جمعنا حب ليه معني
منه مش ممكن حد يمنعنا
اللي باقي بينا حلم هيعينا
أوله الدنيا وآخرته الجنه
أحلي لحظه عشتها في الدنيا دي كلها
إني اخترتك منها وأنتِ وافقتِ عليَّ
وبقيتِ ليّ أنا يا هاديه يا حنينه
لو عيشنا مليون سنه أنا ليكِ وأنتِ ليا
وأهي كلها أيام وتضمنا الأيام
يجمعنا بعد الحب بيت مبني ع الإسلام
اللي جمعنا حب ليه معني
منه مش ممكن حد يمنعنا
اللي باقي بينا حلم هيعينا
أوله الدنيا و آخرته الجنة

_والآن تجمعهم حياة زوجية سعيدة مبنية على الحب و الإسلام وتزفها عصافير السعادة .
وأخيراً بعد معاناة تم زفاف وليد ووعد ومعتز وورد وعقد قرآن وائل وميتاب وعمت السعادة أرجاء المكان بعد سنين طويلة من العذاب والحرمان كافأهم الرحمان بعوضه الجميل فالصبر الجميل يعقبه فرج وبهجة طول الحياة .
فاجَأ الشباب العرسان بشهر العسل ولكنه شهر عسل من نوع يختلف عن أى شهر عسل عرفته الناس .
_يالا استعدوا بقا جهزوا الشنط .
_شنط إيه ؟
_إيه مش ناويين تحضروا شهر العسل ولا إيه دا أنا ووليد تعبنا ع ما جهزنا التذاكر .
خدوها بقا وقولوا  رأيكم إيه ؟
_إيه الجمال ده رحلة عمره لينا ؟!!
_هههههه اسمها لينا كلنا مش ليكم انتوا بس .
_هههههه لينا كلنا مين ؟
_لينا وليكم ولماما وبابا وأم وليد .
_إمتي وإزاى عملتوا ده ؟
_ههههههه إمتي وإزاى دى بتاعتنا مش بتاعتكم أنتم ياوعد .
_ههههه بقا كدا ياوليد من الواضح إن فى اتفاق علينا .
_شكلهم ياوعد كدا .
_ياجماعة دا تيسير ربنا لينا ثم التعاون بينا .
بارك الله لكما ولنا فى هذا الحج إن شاء الله .
وتقبل منا جميعًا .
_الجميع يؤدون مناسك العمرة ويحمدون الله على مارزقهم .
_وعد إنتِ مبسوطه ؟
_ياااااه كلمة مبسوطه دى شويه عليّ والله ، دا أنا أسعد واحدة فى الدنيا ياوليد وعمرى ماكنت أتخيل كل كرم ربنا ده ليّ ، أنا بجد مكنتش عايشه وأنت السبب فى كل اللى أنا فيه ده .
_ربنا يقدرنى واسعدك وأقدر اكون زوج صالح ليكِ.
_ربنا يباركلى فيك يارب ويجعلنى زوجة صالحة ليك .
_ورد طمنينى عنك عامله إيه ؟
_الحمدلله بخير ياحبيبى .
_عجبتك المفاجأة دى ياورد ؟
_جداااااااااا يامعتز  .
_دا أنا طول عمرى بأدعى ربنا يرزقنى بزوج صالح وأكون فى صحبته فى بيت الله الحرام .
والحمدلله ربنا استجابلى ربنا يباركلى فيك ويرزقنا بنوته شبهك كدا .
لا ولد شبهك أنتِ .
_ههههه ربنا يرزقنا بتوأم شبهنا احنا الاتنين .
_يارب يا أم قلب طاهر ياللى حفظتى على قلبك لحلالك .
_عاد الجميع من العمرة حامدين الله على فضله وكرمه عليهم .
_وبعد العودة كانت تنتظرهم المفاجأة الأكبر .
_وهى دمج شركة وليد التى كانت تسمى بشركة النور مع شركة الشمس لتصبح شركة واحده تحمل اسم شركة نور الشمس .
وبناء أكبر صرح وهو مستشفى دكتور معتز ، وبناء المجمع الخيرى الذى يحتوى على مستشفى خيرى ودار أيتام ودار مسنين ، تحت أسماء المجمع الخيرى لبر الآباء .
_وهذا يكون رد ولو جزء من حق الآباء لهم.
حقاً فأنتم أبناء عرفتم فضل أبويكم وحاولتم بقدر الإمكان عمل ولو شئ يسير لهم .
وتم افتتاح الصرح الخيرى العظيم راجين من الله أن يكون العمل خالص لوجه الله .
_ها يا أم وليد لسه زعلانه على الابتلاءات اللى مريتوا بيها دى ؟
الحمدلله يامنى فعلاً الصبر آخره خير ، وربنا بيقول : (وإن شكرتم لأزيدنكم ).
وهذه تكون آخرة الصبر والعمل الصالح وصاحب الأخلاق الجميلة والعمل المخلص لابد أن يرزقه الله بركة عمله .
_ أخيرًا ياوعد بقيتِ راضية عن نفسك وربنا راضى عنك ورزقك من فضله .
ربنا يبارك فيكِ ياميتاب ويحفظك لأنك بجد صديقة مخلصة لها فضل كبير عليّ بعد ربنا .
وكل اللى أنا فيه ده أساسه الصحبة الصالحة.
فنعم الصديقة أنتِ ،  وتستحقين هذا الكلام لأنه لابد أن يكون كتب من أجلك .

واحنا سوا عم تحلى الدنيا صحبتنا بتخليها أحلى
مهما بتصعب بتكون سهلة يارفيقة منك مافى أغلى
ياللى بتنسينى جروحى حبى إليكِ ساكن روحى وضلى .
معى لالا تروحى عني ما بقدر أستغنى
أنتِ اللى مافى من طيبك زهرة ويااا ماأحلى عبيرك
والله ولا عمرى أسيبك جوات عيونى راح أشيلك
يارفيقة منك مافى أغلى .

_أعيط أنا بقا من الكلام الجميل ده ربنا يحفظك .

_فاختاروا الصحبة الصالحة فهى بمثابة الطريق الصالح الذى يأخذك إلى الجنة .
ومع نهاية هذه السطور فقد عرفنا فضل الجار على جاره ، وفضل الصحبة الصالحة ، وفضل التعاون بين الآخرين ، وأن الإنسان مهما ضلته الدنيا فله رب غفورٌ واسعُ الرحمة يريد أن يسمع توبة التائبين وأنين  المذنبين ليعطيهم من كرمه وفضله
.فمهما كنت غنياً لن تجد سعادة إلا بالقرب من الله .
فلا تغتر أيها الإنسان بالدنيا ولا تلهيك ملذاتها وشهواتها ، فالدنيا فانية مدبرة ، والآخرة هي دار القرار ، فأقبل علي الله ، وشمر عن ساعديك ، متخذا في طريقك الصديق الصدوق الصالح الذي يعينك علي بلوغ الهدف وتحقيق الغاية ألا وهي رضوان الله وجنته . دمتم في طاعة .

والى لقاء اخر في روايه جديدة وقصه جديدة / هبه ابوجبل 

هل اعجبك الموضوع :

تعليقات