القائمة الرئيسية

الصفحات

ريفيوهات احفاد الثعلب

بقلم آلاء سمير

حابة اكتب ريفيو ريفيو عن رواية انا حاليا بعتبرها من اجمل ما قرأت وهى احفاد الثعلب 💜💜💜 انا بعد ما خلصتها حسيت انى فقدت صديق مش عارفه اتكلم عن كمية المشاعر الجميلة اللى حسيتها ايه الجمال ده بجد سواء من ناحية السرد او الحوار او الشخصيات 💜😍😍
هنا او (انا) انا شخصيا بعتبرها البطلة الاقرب الى قلبى جمال شخصيتها حبيت اوى تمسكها بدينها وايمانها وازاى بتتحول الى نمرة شرسه لما بيتعلق الامر بدينها حبيت ازاى كانت صبورة واتحملت معاملة على الجافة ليها عشان تتحقق وصية جدها 

على او ( آلى) شخصيته اثرت فيا جدا بسبب الالم اللى عاشه ومر بيه وهو طفل وبيشوف باباه بيتقتل قصاد عينيه 😥😥🥺 ولما اتصدم فى والدته انها مش بس خانت والده لا كمان اشتركت فى قتله ده غير البيئه اللى نشأ فيها ده كان سبب انه يتحول للشخصة دى لحد ما قابل هنا وكانت شعاع النور اللى طلعه من الظلمة اللى كان عايش فيها . 

ريفيوهات احفاد الثعلب



فى مشاهد حبيتها جدا واثرت فيا منها مشهد هنا لما قرأت القرأن على امل ان على يسمعه ويأثر فيه حبيت اوى سرد المشهد وسرد الشعور اللى على حسه 
كمان مشهد لما على طلب منها بنفسه تقرأله القرأن لانه مصدر راحة ليه. حبيت مشهد اسلام على ونطقه الشهادتين كان مؤثر اوى لدرجة انى بكيت 🥺💜💜💜 واجمل حاجه ان دخل الاسلام لانه حبه كدين وهيلاقى راحته فى اتباعه مش لانه هيوصله ل هنا . الرواية انا بحبها جدا و للاسف الريفيو اتأخر كتير بس كان لازم اكتبه ولازم اشكر شيرى على الرواية العظيمة اللى قدمتهالنا بجد سلمت اناملك 💜💜💜
 فى انتظار الجزء التانى ان شاء الله


.....................................



بقلم بوسي محمد

روايه احفاد الثعلب 💕💕
تاني لريفيو شيري العسل بس المره دي علي جروبها هقول تاني مفيش كلمه توصف جمال وعظمه الروايه ولازم اقولك عظمه علي عظمه يا ست بجد تسلم ايدك الي كتبت وروحك الي ابدعت فكل كلمه وحرف كتبتيه الروايه من اروع ما قرأت ماهو مينفعش يكون في روايه ليكي ومقرأهاش واستمتع بيها 
هتكلم عن علي ونشأته الي كانت غلط من الاول والده مرسخش فيه قيم ومبادئ الاسلام واخلاق الاسلام وموت والده قدامه بأبشع الطرق وامه اليهوديه الي رسخت فعقله ديانتها وكمان يشوف والدته فمواقف غير مهذبه فالاخر طلعت شخصيه قاسي القلب متعحرف بيعمل المحرمات بس جت هنا ربنا بعتهاله عشان ترجعه لربه ولدينه وتغيرله حياته بس طبعا بعد ما عانت كتير وشافت منه قيوه وغل وكره ليها وللاسلام ولتدينها وكان بالنسبه ليه كل ست خاينه لاكن هنا رجعتله قلبه يدق ويحب ويعرف ان مش كل النساء زي بعضها 
💕المبدعه دائما وابدا شيري تسلم ايدك عالروايه تجنن وروعه وتحفه وكل حاجه فيها فمنتهي الجمال جميله زي قلبك وروحك الي ظهرت فالروايه ودينك فشخصيه هنا والي اتعامت منها كتير وبتمني اكون زيها تسلم ايدك ابدعتي فالحوار والشخصيات والاحداث ابدعتي فكل كلمه وكل حرف دمتي مبدعه ومتألقه دائما وربنا يزيدك كمان وكمان


.........................................................


بقلم نونا حمدي


اذيكم ياجماعه وحشتوني جداا بس كان عندي مشكلة في النت ولسة شغال حالا وفي ريفيو كنت هموت من رمضان واكتبه ل شيريهان سماحه اللي دايما مش بعرف اعملها تاج معرفش ليه😊😊 عاوزة اقولك انا قراءت لك احفاد الثعلب ورواية (ياانا يا خالتي )و(معذبي في إسرائيل) وكل رواية أثرت فيا بشكل مختلف بس ريفيو النهاردة عن رواية احفاد الثعلب ومهما أقول والله ما هقدر اوفيكي حقك بجد انتي مبدعه اولا انا كنت بكره النقاب جداا بسبب استغلاله بشتي الطرق سواء من بعض أشباه الرجال او سياسيا وبعد ماقراءت الرواية حببتيني فيه قد ايه مش قادرة اقولك لدرجه اني بقيت حاسة ان عاوزة اوقف كل شوية واحدة لابسة نقاب أسألها هو النقاب دا سنة ولا فرض وهان عليا البسه لكن مع الأسف  نفسي ضيق جدااامن بعد وفاة امي الله يرحمها 
ثانيا حسيت آني ندمت اكتر من ندمي علي مر السنين اللي فاتت اني مش قدرت اكمل تعليمي ولا حتي دخلت معهد إعداد دعاااه مش قادرة اقولك قد ايه الرواية رائعه وانتي مبدعه وكل رواية بتوصلي منها فعلا رسالة والحمد لله كل رسالة وصلتلي بالتوفيق حبيبتي وفي انتظار روايتك الجديدة (العميل101)علي ناااار










هل اعجبك الموضوع :

تعليقات